ರಾಣೆಬೆನ್ನೂರು ವಿಧಾನಸಭಾ ಕ್ಷೇತ್ರದಲ್ಲಿ ಜೆಡಿಎಸ್ ಅಭ್ಯರ್ಥಿ ಮಲ್ಲಿಕಾರ್ಜುನ ಹಲಗೇರಿ ಮತಯಾಚನೆ

ಕೆ.ಎನ್.ಪಿ.ವಾರ್ತೆ,ಹಾವೇರಿ,ನ.27;

ರಾಣೆಬೆನ್ನೂರು ವಿಧಾನಸಭಾ ಕ್ಷೇತ್ರ ದ ಜೆಡಿಎಸ್ ಪಕ್ಷದ ಅಭ್ಯರ್ಥಿಯಾದ ಮಲ್ಲಿಕಾರ್ಜುನ ಹಲಗೇರಿ ಇಂದು ರಾಣೆಬೆನ್ನೂರು ವಿಧಾನಸಭಾ ಕ್ಷೇತ್ರ ದ ಮುದ್ದೇನಹಳ್ಳಿ, ಹುಲಿಕಟ್ಟಿ, ನದಿ ಹರಳಹಳ್ಳಿ, ಐರಣಿ, ಹಿರೇಬಿದರಿ, ಮಲ್ಲಾಪುರ ಗ್ರಾಮಗಳಲ್ಲಿ ಪಾದಯಾತ್ರೆ ಮೂಲಕ ಮನೆಮನೆಗೆ ತೆರಳಿ ಮತಯಾಚಿಸಿದರು.

ಈ ಸಂದರ್ಭದಲ್ಲಿ ಮತದಾರರನ್ನು ಉದ್ದೇಶಿಸಿ ಮಾತನಾಡಿದ ಅವರು, ರಾಜ್ಯದ ಮುಖ್ಯಮಂತ್ರಿ ಯವರು ಸುಪ್ರೀಂಕೋರ್ಟ್ ಅನರ್ಹರೆಂದು ಘೋಷಿಸಿದವರ ಪರ ಮತಯಾಚನೆಗೆ ಬಂದಿದ್ದಾರೆ.

ಆದರೆ ಜನತೆ ನೆರೆಹಾವಳಿ, ಸಂಕಷ್ಟಕ್ಕೆ ಗೀಡಾದ ಸಂದರ್ಭದಲ್ಲಿ ಯಾರು ಕಷ್ಟಕ್ಕೆ ಬರಲಿಲ್ಲ. ಇನ್ನು ನೆರೆ ಸಂತ್ರಸ್ತರ ಪರಿಹಾರ ನಿಜವಾದ ಫಲಾನುಭವಿಗಳಿಗೆ ಮುಟ್ಟಿಲ್ಲ.

ಜನರ ಕಷ್ಟ ಕೇಳಲು ಬಾರದವರು ಈಗ ಅನರ್ಹರ ಪರವಾಗಿ ಮತಯಾಚನೆಗೆ ಬಂದಿರುವುದು ನಾಚಿಕೆಗೇಡಿನ ಸಂಗತಿ. ಕ್ಷೇತ್ರದ ಮತದಾರರು ಈ ಬಾರಿ ಜೆಡಿಎಸ್ ಪಕ್ಷವನ್ನು ಕೈ ಹಿಡಿಯುವ ಆತ್ಮವಿಶ್ವಾಸ ನಮಗಿದೆ. ಈ ಚುನಾವಣೆಯಲ್ಲಿ ಗೆಲುವು ನನ್ನದೇ ಎಂದರು.

ಈ ಸಂದರ್ಭದಲ್ಲಿ ರಾಜ್ಯ ಉಪಾಧ್ಯಕ್ಷರಾದ ಕೆಎಸ್ ಸಿದ್ದಬಸಪ್ಪ ಯಾದವ್, ಶಿವಕುಮಾರ, ಮಾಂತೇಶ್ ಬೇವಿನ ಹಿಂಡಿ, ಸಂದೀಪ್ ಪಾಟೀಲ್, ಶ್ರೀಶೈಲ ಮಲ್ಲಾಪುರ್, ಅಡಿವೆಪ್ಪನಾಗೇನಹಳ್ಳಿ, ಶಂಕ್ರಣ್ಣ ಹಾದಿಮನಿ ಸೇರಿದಂತೆ ಪಕ್ಷದ ಕಾರ್ಯಕರ್ತರು ಭಾಗವಹಿಸಿದ್ದರು.

ಆತ್ಮೀಯರೇ ಕೆ.ಎನ್.ಪಿ.ಗೆ ಸಬ್ ಸ್ಕ್ರೈಬ್ ಆಗಲು ತಪ್ಪದೇ ಬೆಲ್ ಬಟನ್ ಒತ್ತಿರಿ…

ನೀವು ಕೂಡ ಬರೆಯಬಹುದು :